«Мехка бахархоша, лоӀамхоша, ганза болхлоша кхачан продукташ гулъеш латт Палестинерча Газа сектор оалача моттиге дӀаяхьийта. Цу юкъедоагӀа ханахьа талхаш доаца даараш. Цхьан яьшка чу я, шин дийнахьа 5-6 сага тоъаргйолаш яа хӀама. Уж ханахьа дӀакхоачаргйоацилга теркал а деш, цхьан шерга кхаччалца талхаш йоаца продукташ я кийчъяьраш», - йоах хоамо.

ГӀалгӀай Республикан кулгалхочо Келаматанаькъан Махьмуд-Ӏаьлас аларах, мехка 19 юрта хьайийллай гуманитарни новкъостал гулдара йола моттигаш.

Республикан Ӏаьдало, миннацо, кхыча боахамий, гӀулакхий кулгалхоша республикан бахархошта баркал оал, цу лоархӀамеч гӀулакха уж юкъебахарах, цар иштта новкъостал де нигат хиларах.