ГӀалгӀай къаман
юкъара газет

Кердадараш

«Студентий ха» яха кхетама боарам гойташ дола ловзар дӀадихьар республике

Йоккхача Ачалкхерча № 1 йолча ишкола дешархошта юкъе дӀадихьар, ерригача Россе къамашта юкъерча кагирхой союзо къоабалдаь «Студентий ха» яха кхетама боарам гойташ дола ловзар. Укх бетта 25-ча дийнахьа дездеш долча студентий ден хетадаь ловзар да из. Из хоам «Сердало» газетага бир республикерча ВМСМ доакъашхоша.

«Цу беркатеча гӀулакха юкъе дакъа лоацаш хиннараш кастта студентий хьал довза дезаш бола йоккхагӀча классашкара дешархой ба. Ловзаре котало яьккхар «Легенда» яхача тоабо, шоллагӀча лагӀа тӀа эттар «Студент» яха тоаба, кхолагӀа моттиг кхаьчар «Инг» яхача тоабан доакъашхошта», - дийцар тха корреспондентага.

«Таханарча кхетаче шоай кхетама боарам гучабоаккхаш хилар дешархой. Студенташ хинна дӀаэттача, накъадаргдараш дайзар царна цу ловзаре», - дийцар тхога кагирхой къамашта юкъерча союза хьалхалаттача Оздой Инала.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде