ГӀалгӀайче дӀабихьар Къилбаседа Кавказа физиках йолча Ӏилман ишкола болх
ГӀалгӀайчен «Ӏарамхи» яхача дарбанче дӀабихьар, Къилбаседа Кавказа физиках йолча Ӏилман ишкола болх, цига дакъа лоацаш бар «Кванториум» яхача берий технопарка йоккхагӀча класса дешархой, иштта Селий, Къилбаседа ХӀирий, ГӀалгӀай республикашкара студенташ, яхаш, хоам бу «Сердало» газетага «Кванториум» технопаркера.
Ӏилман ишкол вӀашагӀъеллараш бар «Экономикан лакхарча ишкола» НИУ, «Халкъашта юкъера долча доакъой физика лаборатори». «Ӏармхе» даькъ тӀа дӀадихьа кӀира чӀоагӀа хоза хийтар, кхаь мехкара баьхкача наха.
Шоаш хержача наькъ тӀа хьалхагӀа ха дезар ховш бар уж укхаза бахкале а, иштта дале а физиках йолча Ӏилман ишколо царна квантови механиках, геометрех, топологех ховр кхы а шердир. Гулбеннарашта лаьрхӀа «Относительност теори, элементарни таьрахьий физика, таьрахьий теори» яхача темах йола лекцеш йийшар.
Семинараш дӀахьош хиларо, болх вӀашагӀбеллараша дӀахьош хиннача къамаьло бераш Ӏомадир хьалхашка латта декхараш кхоачашде», - йоах хоамо.
