ГӀалгӀай мехка хьакхеллад Российски исторически юкъарлон дáкъа
ГӀалгӀайче дӀайолаяьй Российски исторически юкъарлон моттигера отделени. Из чӀоагӀъеш йола кхетаче дӀайихьар ГӀалгӀай паччахьалкхен университета даькъ тӀа, цига дакъа лоацаш хилар республикан Кулгалхо Келаматанаькъан Махьмуд-Ӏаьла.
Дийца дош дар кердача моттига балхах лаьца. Келаматанаькъан Махьмуд-Ӏаьлас белгалдир отделени хьаеллар Россе истори хувцара тӀагӀерташ ханаш йолча заман чухьа эшаш хилар. Цо аьлар, цунга гӀолла ГӀалгӀайчен дика таро хилар, мехка культуран, Ӏилман оагӀорахьара ше дӀагойта.
«ГӀалгӀайчен къам массаза белгалдоалаш хиннад Даьхенна мутӀахьа хиларца, хьаькъал долаш, лакха культура йолаш хиларца. Вай йӀаьхий исторически тӀехьале я, из йицъе йиш йолаш яц, из Ӏомаеш а тӀехьа тӀайоагӀача тӀехьенга кхоачийташ а хила еза», - аьлар Келаматанаькъан Махьмуд-Ӏаьлас, из декхар кхоачашде Ӏаьдало новкъостал лоаттадергда.
Российски даькъа кулгалхочо, «Даьхен истори» ганза болх кхаоачашбара кулгалхочо Гагкуев Руслана ше тешаш хилар белгалдир, кердача отделене, мехка исторически юкъарлон бувзамаш кхыча моттигашца леладергхиларах.
Юххера а, Келаматанаькъан Махьмуд-Ӏаьлас хьакхайкадир Ӏоахарганаькъан Ч. цӀерагӀча НИИ моттигерча отделене кулгалхо Оздой Джамбулат оттавеш хилар. Из массане а, цхьа барт болаш, хьаллаьцар.
