Юрташкара моттигаш тоаеш латт вай мехка
08.12.2023 09:04
Юрташкара моттигаш тоаеш, болх дӀакхухьаш латт МагӀалбика кхале. Юрташка бахача наьха хьал аттачахьа даккха гӀерташ, къахьег кулгалхоша. Вежарий яхача юрта Советски оалача урама никъ тоабир гӀуми жагӀеи тоссаш, таханарча дийнахьа, 300 метрага кхоачаш, хин турбаш чуйоахкаш боахк цига.
«Цу беркатеча проекташка гӀолла, дикача хьале дийрзад юртара наькъаш, кастта хьадолалургда цӀена хий. Бахархой дехараш теркалду оаха. ХӀара моттиг тахке, ахча хьатӀадоаллашехь, кхоачамбоацараш юстардаха долалу тхо.
Эггара хьалхарча аргӀагӀа тоаде деза лоархӀамегӀа дараш», - дийцар «Сердало» газетага юртарча администрацен кулгал деча Местой Ӏамархана.
