ХьунагӀа тувлбенна нах хьалехар вай мехка
16.02.2024 09:54
Алхастерча хьунагӀа хьонк баккха ваха Шолжа-Шахьарера ши саг тувлвенна, ара боад эттача, хьун юкъера арабовла ца ховш бисаб. МЧС «ГӀалгӀай» яхача тоабанцара оарцагӀъухараш арабаьлар уж лаха. Оарц дийха ши сахьат даьнначул тӀехьагӀа, могаш-маьрша болаш хьакорабаьб тувлбеннараш.
«ХьунагӀа, лоамашка ваха араваьннача сага, ше хьош болча наькъах, хоам бе беза юхерча МЧС болхлошка. Телефонах тийша Ӏе йиш йолаш гӀулакх дац хьун юкъерадар, хӀана аьлча хьунашкара цхьайола моттигаш мобильни бувзам боацаш я.
ХьунагӀа ваха араваьннача сагага цӀилеторгаш, кхача, хий хила деза.
Тувлавенна хӀама хуле а, оарц хьатӀакхаччалца ше-шийна гӀо де кийча хила веза из», - белгалдир МЧС болхлоша.
