«Россе бераш» яхача операце шоллагӀа дакъа дӀадоладеннад
Магасерча «Марем» яхача гимназе дешархошца кхетаче дӀайихьар, ГӀалгӀай Республике гӀолла йолча МВД наркотикашта тӀахьожам лоаттабеча урхаллен викалаша, столицерча полице отдела, шахьара администраце болхоша дакъа лоацаш. Кхетаче дӀайихьар, Ерригроссе боахамашта юкъера «Россе бераш-2023» яхача балха чуйоагӀаш.
«Из кхетаче дӀахьош хиннараша шоашта хьалхашка декхар оттадаьдар; наркотикаш йоаржаяр, кхувш боагӀарашта, кагирхошта уж юкъеяхар харцахьа а бехктокхаме а хилар хьалхадаккха, аьнна. Уж лелаерий болх юхатохар, корта бохабеш, дегӀа могашала Ӏаткъаш йола молхаш йохкара, эцара никъ бехкар а дийцар цига.
Боккхийчар берашта дийцар наркотикех хьадоалача зуламах, уж законах доацаш лелаеш вола саг уголовни бехктокхаме оттавеш хиларах», - аьлар «Сердало» газетага Магас шахьара администраце зарбан болх лелабераша. «Россе бераш-2023» яха сихача профилактикан аргӀа дӀайолаелар лайчилла бетта 14-ча дийнахьа.
Уж еррига кхетаченаш вай кхувш йоагӀача тӀехьен могашал лорае дагахь а еш я. Россе хургдолча дикача вахара хьалех лоархӀамегӀа дола цаӀ да из.
