«СурхотӀе–Алхасте» яха никъ Ӏобиллара шоллагӏа аргӏа дӏайолаеннай
ГӏалгӀайче дӀадоладир «СурхотӀе–Алхасте» яха 12 км бӀаьха бола никъ ӏобиллара шоллагӀа дола балха дакъа. Таханарча денга кхоачаш, наькъа балхаш дечар кхоачашдаьд, 2026 шера де дезаш хиннар а.
ГӏалгӀай Республикан Кулгалхочун, Паччахьалкхен зарбан болх лелабераша яхачох, юххьанца лаьрхӀа хиннар 1 км никъ мара бацар. Бакъда ГӏалгӀайчен машиний наькъа, транспорта Министерствос 3 км совгӀа никъ Ӏобиллар, лаьрххӀача ханал хьалха чакх а боаккхаш. ЛоархӀаме да, цу наькъо вӀашагӀхотташ хилар Наьсарен кхален а Шолжа кхален а юрташ, иштта мехка шаьрачеи лоамеи.
Никъ цӏенахаштта тоабарах, 170 эзар совгӀа волча сага вахара хьалаш аттача даргда. Цул совгӀа, цо таро лу вахарца ювзаеннача моттигашта тӀабода никъ аттагӀа бе: Ветераний Цӏа, Кадетий корпус.
«Йоккха терко лоаттаю республикан мешиний наькъашта. Вай наькъаш тоадеча балха дика толамаш доах, дикал лакха йолаш да уж. Республикан наькъаш тоадара балхаш лаьрхӀача ханал хьалха йистедоах», - аьлар ГӏалгӀайчен кулгалхочо Келаматанаькъан Махьмуд-Ӏаьлас.
