«Турпалхочун никъ» яхача программан шоллагӏа дакъа дӏадоладеннад
Тахан республике дӏадоладелар «Турпалхочун никъ» яхача программан СВО доакъашхоша дакъа лоацаш дола шоллагӏа дакъа. Цу даькъ тӏа, паччахьалкхен болх ӏомабеш хинна бӏухой хьожаргба шоашта фу хов экономиках, ахчах, ӏаламах, иштта нахаца къамаьл дарах.
Гӏалгӏайчен кулгалхочо Келаматанаькъан Махьмуд-ӏаьлас белгалдир, шоллагӏа дакъа дӏахьош, цар ӏомадаьчо ӏаьдала гӏулакхашка, бизнесе, экономикан даькъ тӏа болх беш эша керттердар хьагойтаргда.
«Сона лоархӏаме да, цу проекто таро луш хилар СВО бӏухошта карагӏдоалараш довза, цар хьинар, юкъарлонна гӏулакхаш цар мишта кхоачашде вӏаштӏехьадоал хар», - аьлар цо, къаьстта уж санна кийчо яь бола болхлой республикан эшаш хилар белгал а деш.
Цу программе дакъа лаца 174 дехар чуденнад. Иштта уж хоржаш хьакъоаставаьр 50 саг ва: царех 9 деша волавеннав, 32 кийча болча совлен болхлошта чувоагӏаш ва.
