ГӀалгӀайчен кулгалхочо Келаматанаькъан Махьмуд-Ӏаьлас белгалдир, маьхий тохара духьала деш дола къамаьлаш бахьан долаш; нах, уж ца тохийташ, юхабоалаш хилар, из болх лорашка лерттӀа дӀа ца бохьийташ, цар духьале еш хилар. Цо аьлар, цу даькъ тӀа берий могашал йоаергйола оагӀув дӀалоархӀаш хила беза, из ший ханнахьа маьхий теха чакхдаьккха ца хуле.

«Полиомиелит хала лазар да, цу лазарах бер заӀапхо долаш диса тарлу. Цхьаь цхьан дас е нанас ший бер цу лазара кӀалха дутаргдац. Лорашка ладувгӀаш хила веза, наха фу йоах ца а хьежаш», - аьлар Мехкадас.

Цо яхачох, цу унзарча лазара а иштта кхыдолча лазарашта а духьала маьхий ца тохийташ хиларо вай республике дукха инфекционни лазараш даржаш доагӀа бераш долча моттигашка.

Цунца дувзаденна цо республикан унахцӀенон Министерствонна тӀадиллар наха юкъе, уж цу хьалах дӀакхетабеш, маьхий тохар эшаш долга хьалхадоаккхаш болх дӀабахьар.