360 совгӀа саг лорашка чакхваьннав вай мехка
2024-ча шера 365 эзар совгӀа саг лорашка чакхваьлар вай мехка. Из хоам бу тхога Мехкадаь зарбан болх лелабераша.
Тохкама балхо хьагойтар, 28% нах мара дика унахцӀено йолаш боацилга. 21% бахархой дега хулача лазараша лацар кхерам болаш ба, 36% бахархой массахана лорашта дӀатӀаухаш чакхбувла безаш ба, хӀаьта 15% - лорашкара лаьрххӀа дарба эшаш.
Тахан адамашта юкъе геттара даьржарех да цӀийцара, керацара, пехкашцара лазараш. УнахцӀено лакха теркам беш лорае езилга белгалдир вай Мехкадас.
«Ханнахьа чакхвоалаш хила веза саг лорашка. Каст-каста тӀаводаш хилча, лазар хӀетта хьакхийттача хана гучадоал, цунга хьежжа дарба де а аьттув ба, гаьна ца доалийташ». Республикан Кулгалхочо иштта теркалдир, берий унахцӀенон къаьстта йоккха терко е езилга, дӀахойодача хана, могаш хургдолаш тӀахьожам лоаттабе безилга.
