МВД болх беш бола кхалнах даькъалабийцар, халкъашта юкъерча кхалнаьха денца
07.03.2024 15:54
Дикача гӀулакхий Ӏадата ларах дӀахоболхаш, ГӀалгӀай Республикан МВД болхлоша-маӀача наха даькъалабийцар халкъашта юкъерча кхалнаьха денца; шоашца болх беш бола хоза, безаме, дика кхалнах», - аьлар «Сердало» газетага республикан бокъонаш лораераша.
Погонаш ядача кхалнаха балха новкъосташа делар зизаш, иштта бӀарччача дийнахьа дог гӀоздоаккхаш дола хоза дешаш а яьхар, из дикача оагӀорахьа Ӏаткъаш да балха тӀа шоай декхар кхоачашдеш болча кхалнаха», - йоах хоамо.
Бокъонаш лораеш болча балха даькъ тӀарча маӀача наха могашал, ираз, вахара аьттув цар хилар ловш дола ловцаш даьхар.
