ГIалгIай мехка «D» категорех бола юкъарча транспорта водителаш эш
ГIалгIайченна «D» категорех бола водителаш эшаш ба, «Ингуштранспорт» ГАУ юкъара транспорт лелаяра, алапи хургда 25 000 сом, яхаш, дийцар «Сердало» газетага мехка промышленноста, бувзама министерстве.
«ГIалгIай Республикан Кулгалхочо тIадиллача декхарах, доал деча даькъ тIарча наьха хьашташ ларде а лоацаш, «Ингуштранспорт» ГАУ яхача боахамо вIашагIделлад республике маршрутни бувзам лелабар», - йоах хоамо.
Хьалхадоаккх, ГIалгIайче зIамагIа йола 80 гаргга автобус кхаьчай. Уж болх бе вай наькъашка араяларо дикка таронаш лу нах дIа-юха кхувлара. Хьалха санна дукха хьежаш латта ца безаш, наьха хьалаш аттача дахара лаьрхIа араяьннай уж.
Бакъда говзанчаша белгалду, шоай хоамаш тIа, карарча хана водителаш кхоачам боацаш хилар, юкъара транспорт лелае водителаш цахиларах, зIамига автобусаш дукха латт балха ара ца йоалаш, ерригаш а араяьннаяц уж. ХIанз укх сахьате эшаш ва 50 водитель.
ЗIамагIа йолча автобуса тIа болх бе безам бараш укх адресах хьахьех: Наьсарен-Шахьар, МутаIаланаькъан урам, №6.
