ГӀалгӀай къаман
юкъара газет

Кердадараш

ГӀалгӀайче предпринимателашка бокъонаш луш йола каьхаташ дий хьажар

08.09.2023 15:42

ГӀалгӀайчен Наьсарен кхале, шоай доалахьа дола балхаш деча нахага бокъонаш луш дола каьхаташ дий хьежар мах беча даькъ тӀа, яхаш, дийцар «Сердало» газетага цигарча администраце.

«Наьсарен кхален Пхьилекъонгий-Юрта, тов бетта бархӀлагӀча дийнахьа, моттигерча администраце болхлоша техкар доал деча даькъ тӀарча керттерча урамагӀа мах беш латтача нахага бокъо луш дола каьхаташ дий. Цу наха шоашкара, бокъо йоацаш, хьалъяьйий хьежар мах беш йола йоккха йоаца гӀишлош», — йоах хоамо. Къамаьл деш, кхален администраце болхлоша цу наха хьалхадаьккхар, шоаш гучадаьха кхоачамбоацараш цар лоаццача хана юстара ца доахе, уж бехктокхаме оттабергба, аьнна.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде