«Оаш хьалхашка оттадаь декхар кхоачашдеш, республикан паччахьалкхено, моттигерча доал деча даькъ тӀарча балха моттигаша электроэнергех доалла декхар дӀадалара болх тоабеш боагӀа. Тхона ховчох, карарча шера ийс бетта республикан бюджетера 100 процент мах дӀабеннаб, цхьайолча моттигашка шоай бюджетера а дӀалуш доагӀа дукхача шерашка денз доаллаш хинна декхар», - аьлар пачччахьалкхен кулгалхочун гӀончас. Фаттахов Тимура «Моттигашта юкъерча газпрома Наьсарен» OOO хьачуденнача таьрахьаш довзийтар. Нагахьа санна бIарчча хьаэце, карарча шера наджгоанцхой беттагара маьцхали беттага кхаччалца йолча хана, газах дӀаденнад 929,7 млн сом е 44,3%. «Ингушэнерго» - «Къилбаседа Кавказа МРСК» ПАО филиала шоай балха таьрахьаш дийцар. Цу юкъа 2023 шера электроэнерги дӀаяхай 1 982,6 млн сома. Из йоагаяьраша дӀаденнар да 1 212,7 млн сом е 61,2%. ДӀадахача шера бархӀ бетта из дар 57,0%. Энергобийдалах дола ахча дӀадалара болх тоабаь хилара бахьан гуш да, из да ГӀалгӀайчен кулгалхоша цу даькъ тӀа дукха къахьегарах. Цу юкъе дика дакъа дӀалоацаш я, вайцига вӀашагӀъелла боахамашта юкъера доагама-энергетически комплексах йола балха тоаба.