Наьха хьашташ кхоачашдарах бола болх тоабеш латт вай мехка
Тайп-тайпарча хьале болча наьха хьашташ кхоачашдара бола болх тоабеш латт вай республике. Ха яхача, дегӀа могашал эшаеннача наьха гӀулакхага хьожаш хургйола моттиг тоаеш латт МагӀалбике. Из хоам тха «Сердало» газетага бир мехкарча кабмино.
«Вай къаман юкъе массахана даьржа хиннад, ха яхача, дега могашал эшаеннача нахага дика хьажар, цар хьашташ кхоачашде гӀертар.
«Демографи» яхача къаман проектага гӀолла хьаеллаш йола из моттиг накъаяргья МагӀалбика кхале бахача бахархошта», - йоах тхогарча хоамо. Наха эшача хӀаманга хьожаш хургба цу моттиге, цул совгӀа, чуӀе цӀа доацаш бисарашта баха моттиг хургья.
ООО «Кит-Строй» яха гӀишлошъяра балхаш деш йолча моттигера къахьегамхой ба из болх дӀахьош боахкараш. ЙӀовхал лу моттиг тоаеш, ток чуюллаш, тхов туллаш боахк уж. Вахара хьал атта доацача наха, дуккхача шерашка йӀовхал, паргӀато, сатем луш латта езаш моттиг я из, бокъонца тоаяь яьлча.
