ГӀалгӀай къаман
юкъара газет

Кердадараш

Бокъо йоацаш хьу тедар дехкаргда

Хьунашкара гаьнаш тедаргйоацаш, тIахьожам лоаттабу Iалама гIулакхах йолча министерствон болхлоша.

«Хьун боахам лорабе оттаяь тоаба я бIаьстан шоллагIча бетта денз, 75 наькъ тIагIолла го боахаш, хьунаш лораеш ба, лаьрххIа цу гIулакха оттабаь болхлой. Керда хьаким Хьулахой Саварбик хьатIавеча денз, дикка чIоагIдаьд из гIулакх. Бокъо йоацаш, гаьнаш тедаш 27 моттиг гучаяьккхар цар», — йоах тхогарча хоамо. Хьун боахама зе даьча моттигех дараш, прокуратуре дIачуденнад. Цу гIулакха тIахьожам бе безаш хиннар балхара мукъавалийтав, ший декхараш дизза кхоачаш цадарах. Iаьдало ши гIулакх хьадийллад цу хIаман тIагIолла. ТIахьожам дIахо кхы а чIоагIагIа хургболаш ба. Хьунашта зе деш лелараш, гIод ца токхаш бусаргбац. Гонахьарча Iалама уйла е, лораде декхарийла да вай дерригаш. МоллагIа хьуна зе деш воалла саг хоавелча, боккъал а, хье ца луш, укх номерах Iаьдалга хоам бе — 8(8734) 55-45-73.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде