ГӀалгӀай къаман
юкъара газет

Кердадараш

АПКана эша гӀо деш а, бӀаьстан балхашка кийчо еш а ба вайцига

ГӀалгӀайче чӀоагӀдеш да АПК хьаллоацаш деш дола новкъостал, иштта кийчо еш я бӀаьстан балхашка, яхаш, дийцар «Сердало» газетага ГӀалгӀай Республикан юртбоахама зарбан болх лелабераша.

«ХӀара шера хьувкъам чуэцаш, дика толамаш доах вай, бакъда даьхача толамаш тӀа совца лаьрхӀа а дац, лохаш да дегӀаахара наькъаш. Цу даькъе доккха новкъостал ду вайна Россе паччахьалкхено. ДӀахохьош ба юртбоахам дегӀабоалабара новкъостал ду болх», - аьлар ГӀалгӀай Республикан Кулгалхочо Келаматанаькъан Махьмуд-Ӏаьлас.

Цо аьлар, 2024 шера а республикан ахархоша, толам лох ца беш, кхаш тӀара балхаш дика дӀахьош, шоай профессиональни декхараш кхоачашдеш, къахьегаргхиларах е тешаш ва.

Иштта из хилийтара, ГӀалгӀайчен ахархоша техника кийчъяргара дӀаболабир шоай болх. ГӀалгӀай Республикан юртбоахама министерствос яхачох, кхашка болх беш хургья дукхача балхаш тӀа накъайоалаш йола 600 трактор. Тушола бутт йистебалалехь, юртбоахама болхлой 400 трактор тоаяь яккха езаш ба, тӀехьатувсаш дола гӀирсаш а цу юкъе долаш.

Цу гӀулакха тӀахьожам лоаттабеш ба республике. Иштта хоам бу, ГӀалгӀай Республикан юртбоахама министерствос, «Щелково Агрохим» АО боахамца барт баьб, мехка боахамашта эшаш дола тайп-тайпара фу лоаттадергдолаш.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде