«Мехкадас белгалдир, тӀем тӀара цӀабаьхкачарна эшачун, царна динза долчун терко еш, беррига низ тӀабахийта цар гӀулакхага хьожаш; хила деза вай, аьнна. Хьалхара вице-премьер йолча Саганаькъан Индирайна тӀадиллар цо, уж нах балха оттабара гӀулакхага хьожаш хила, аьнна. Шоай ханнахьа дарба де, салаӀа баха, лакхерча дешара моттигашка деша овтта аьттув болаш хила беза тӀема доакъашхой», - йоах тхогарча хоамо.

Мехкадас аьлар, дег чура цу наьха уйла еш, цар хьашташ кхоачашде кийча долаш, хила деза вай, аьнна. Даьхен гӀулакха шоай синош ца кходеш, лаьтта денал дола, эздий къонахий ба уж! Царна эшаш дола хӀама, гаьна ца тетташ, кхоачашде деза вай. Мехкадаьна, паччахьалкхенна шоаш тӀаэцарах баркал оалаш, Панчурин Олега теркалдир, республикан кулгалхочунца шоаш дукха хаттараш даьшхалга. Цу юкъе дар тӀема доакъашхошта Ӏаьдало хьахьожадеш дола новкъостал а.

ТӀем тӀа вахар хаьдарий цӀен- ноаношта психологаша гӀо дар, тӀем тӀа хиннарашта балха моттигаш Ӏалашъяр, иштта кхыдараш а долх цу юкъе. Ший къамаьлаца цо белгалдир, царна эшаш дола хӀама ма хулла сихагӀа дӀадалар, массахана цар оагӀув хьаллоацаш хилар мел лоархӀаме да.

ТӀема операцен ветераний Ерригача Россе оагӀон кулгалхочунна баркал аьлар вай Мехкадас, эшаш долча хӀаманга хьажарах. ТӀатехар, цӀаькха республике веча, кадетски корпусе оттаргва ше, аьнна.

Къахьегама гӀулакхех йолча министерствонна тӀадиллар республикан кулгалхочо, цу наха доагӀа пенсеш ханнахьа дӀатергдолаш, моттигерча пенсионни ганзаца бувзам лелабе, аьнна. Пенсионни ганза кулгалхо хьожаш хила веза, цу наха, цар дезалашта доагӀа ахчаш гоадергдоацаш. Цу оагӀонца мел дараш довзаш хила веза, тӀема операцен ветераний союза моттигерча балха кулгал деш вола Орцханаькъан Зайт.