Бокъонах доацаш, хьу тийда моттиг хиннай
27.10.2023 14:19
Мужечарча хьун даькъ тӀа, бокъонаш телха а еш, хьу тийда моттиг нийсъелар. ДӀаяхача бийсан, из хоам шийга кхаьчачул тӀехьагӀа, цу моттиге ваха хилар моттигерча Ӏалама тароний, экологе министерствон кулгалхо Хьулахой Саварбик.
«Хьун инспекторашта гучадаьлар, мах болча тайпах лоархӀаш йолча къахььэсте 70-80 куб тийдалга. Цу моттиге баха хилар бокъонаш лораераш а. Цар доагӀаш дола каьхаташ а оттадаьд, цунах доагӀаш дола таӀазар дара, хьем боаццаш, тохкама болх дӀахьош ба. Карарча хана, Шолжа хьун даькъ тӀарча болхлоша тийда хинна хьу дӀайихьай Россе МВД «Сунженский» оалача МО складе, болх дӀахьоча юкъа лораяра. Хьун даькъ тӀа даь зе мел да хьожаш ба», - аьлар ГӀалгӀайчен хьун боахаме.
