Дешархошта туристий ши никъ хьабийллар республике
Котало яьккха 80 шу дизара хетадаь, шиъ туристий никъ хьабийллар МагӀалбике. Вай мехкадас Келаматанаькъан Махьмуд-Ӏаьлас белгалдир; Даьхе езар цун моттигаш, дӀаьхий дола истори довзарца дувзаденна да, аьнна.
«Дагалоаттама никъ» яхача хьалхарча наькъо МагӀалбика, МагӀалбика кхален истореца, тӀема деношца ювзаенна моттигаш йовзийтаргья. ШоллагӀа никъ «Даьхе лораеш лаьттараш» яхаш ба, цо тӀема истори хьаделларгда кхувш латтарашта. Дешархошца иштта йола экскурсеш дӀакхахьар лоархӀаме долга белгалдир вай Мехкадас.
«Берага уйла яйт цу тайпарча хӀамаша, турпала никъ дӀабихьача царца нийсъяла, царех тара хила гӀерт къона тӀехье, царех доаккхал деш. ХӀаьта цу моттигий хозало Ӏаламцара лерхӀам а чӀоагӀбу цар, кхыча тайпара хьежа болалу уж гонахьарча хӀамашка», - теркалдир вай Мехкадас.
