ГӀалгӀай мехка балха тӀа дӀачӀоагӀвир, кагирхой политикани туризмани министр
ГӀалгӀай Республикан Кулгалхочун Келаматанаькъан Махьмуд-Ӏаьлан амарах, ГӀалгӀай Республикан кагирхой политиках, туризмах йолча министерствон кулгалхо хилар Малсаганаькъан Адамах, яхаш, дийцар «Сердало» газетага цигарча зарбан болх лелабераша.
«Кагирхой даькъ тӀа а, иштта хӀарман болх а дукха барах, Малсаганаькъан Адама ше дика болхло волга хьагойтар. ГӀалгӀай Республикан туризманнна йола комитет, кагирхой гӀулакхех йола комитет вӀашагӀтоха лаьрхӀар мехка кулгалхочо 2024 шера саькура бетта 22 дийнахьа арадаьннача ший амарца», - йоах хоамо.
Белгалду, Малсаганаькъан Адам 2017 шера денз «Кагирхой терконна Центра» кулгал деш хиннав, хӀаьта 2022 шера саькура бетта денз 2024 шера тушола беттага кхаччалца мехка кагирхой гӀулакхех йолча комитета керте лаьттав.
