«Мехка сагӀа» доаккхаш, дӀадекъаргдола кхачан тӀормигаш лийрхӀачул дукхагӀа хургда
ГӏалгӀайчен кулгалхочо Келаматанаькъан Махьмуд-Ӏаьлас хьакхайкадир, «Мехка сагӀа» доаккхаш наха декъаш дола кхачан тӀормигаш шоай таьрахьага диллача дукхагӀа хургдолга. Хӏанз уж хургда 3,5 эзарнена меттел, 4,5 эзар, цо таро лургья дукхача нахага cагӀа дӀакхачийта. Из декхар тӀадиллад мехка Кулгалхочо ахархой Министерствонна.
«Вай дерригаш а, хьамсара цӀай хьатӀадоагӀаш, накъадолхаш да Мархашта. Цу езача хана хьаллоац таро хала йолаш бола дезал», - аьлар мехка Кулгалхочо. Цо иштта белгалдир къаьстта цу хана къахетаме, эшача новкъостал деш хилар лоархӀаме долга.
Белгалду, кхачан тӀормигаш декъаргда республикан массайолча доал деча моттигашка, иштта Пригородни кхале бахача наха. Болам дӀаболабеннаб кхаьрача дийнахьа, чакхбаргба кхаь дийнахьа.
