ГӀалгӀай къаман
юкъара газет

Кердадараш

ХьатӀадоагӀача шера, кхы а йиъ ишкол хьалъергья вай мехка

ГӀалгӀайче хьатӀадоагӀача шера йиъ юкъарча дешара ишкол хьалъергья. Наьсарен-Шахьаре, Пхьилекъонгий-Юрта 720 моттига лаьрхӀа хургья хӀараяр, Южне, Берд-Юрта- 250 моттига. Цу тайпара хоам бир мехка паччахьалкхен кхетаче дӀахьош. Цига белгалдир, къаман проекташ кхоачашъеш, таханарча денна карагӀдоалар.

«Дешар» яха къаман проект кхоачашъеш, оаха мехка дешара моттигаш дегӀайоалаеш латт. Ишколаш дукхагӀа хьалъеш хиларо таро хулийт цу даькъ тӀара хьал аттача даккха, таханарча дено дӀадехача беса дола гӀирсаш хиларо, хьехархой говзал лакхъяра юкъекхувлийт дукха кердадараш. Цу дерригне а таро хулийт дешара хьалаш тоаде. Ер шу йистедоалаш, оаха лаьрхӀад цхьайола ишколаш хьалъяь яха, уж я 6 458 моттига лаьрхӀа, кхы а йиъ ишкол хьалъе лерхӀ 2024 шера», - аьлар ГӀалгӀайчен паччахьалкхен кулгалхочун декхараш кхоачашдеш волча Йовлой Мухьмада. «Дешар» яха къаман проект ГӀалгӀайче хьаллоацарех я. Цунга дӀадодар 67% да, из Россе гӀолла болча хьокхамал лакхагӀа да (65%). Белгалдаккха дезаш да, республике хӀара шера дешара даькъ тӀа керда гӀишлош хьалъеш хилар, цо таро хулийт дешара моттигаш паргӀатагӀа хилийта. Карарча шера, республике хьалъяь йоалаш латт 11 керда гӀишло, уж юкъарча дешара лаьрхӀа я.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде