«ГӀалгӀай Республике 2023 шера оагӀой бетта 10-ча денга кхоачаш; зӀамига, юкъера бизнес лелаеш 6 105 моттиг я, из 2022 шера укх хана хинначул дукхагӀа я. 2023 шера цхьайтта бетта баьча балхага хьежача, шоай доалахьара хӀама хьадеш бараш шозза дукхагӀа ба: 2023 шера оагӀой бетта цхьоалгӀча денга кхочаш – 16 085 саг, 2022 шера, оагӀой бетта цхьоалагӀча денга кхоачаш – 8 784 саг.

2023 шера наджгоанцхой бетта цхьоалагӀча дийнахьа денз, Ӏаьдало йоаккхаш йолча йоала мах кӀезигагӀа ба шоай доалахьара хӀама леладерашта а иштта организацешта а, уж ба аттагӀа йола йоал яккхара система лелаераш (УСН), йоал яккхара хьатӀабоагӀаш бола «пайда» ялх процентагара шин процентага кхоачаш хержараш. Йоал яккхара хьал лаьгӀдаьчул тӀехьагӀа; зӀамига, юкъера бизнес лелае безам бараш тӀакхийтар», - йоах хоамо.

ГӀулакх довзараша яхачох, республикан социально-экономически таронаш дегӀайоалаяра, цу тайпара товараш арахецаш йола моттигаш ца хилча яргьяц. МСП даькъ тӀа бахархой таро я балха отта, цу тайпара болх боацаш нах цӀагӀа багӀаш хилара хьал цу дешо тоаду. ЛоархӀаме да дукхагӀа болча моттигерча бизнесменашта; дикагӀа йола технологи, материалаш лелаеш хилар, шоай бизнес лерттӀа дегӀайоалаяра.