Унахошта гIо дара тIехьа болх бе йолаенна лорий моттигаш я вай мехка
Укх бетта 1-ча дийнахьа денз, дарбанчешка шоай хатта дезар дIахатта аьттув луш йола лорий чаташ хургья, вай мехка болх бе дIайолалуш. Из хоам «Сердало» газетага бир унахцIенон гIулакхах йолча министерствон болхлоша. «ЗдравКонтроль» яхача федеральни проекта юкъе чугIоргья вай республика, кхыйолча 50 субъектаца.
«Проекта керттера декхар - бахархошта лорий гIо ма хулла дIакхачийтар. Телеграм яхача бувзама оагIон тIа лаьрххIа цу гIулакха болх беш чат хургья. Шоай хаттарашта дола жоп ха йиш я цига гIолла. Лор волча дIаязвала, цIагIа лор хьавеха, Iаьдала хьахьожаяь молхаш хьаэцара гIулакх тахка, иштта кхыдола кхоачамбоацараш тоаде йиш я цу моттигага гIолла. Вай республике ши чат я: «Наьсаре. УнахцIено», «ГIалгIайче. УнахцIено».
«ГIалгIайче. УнахцIено» яхача чатá чуйолхаш хургья Наьсареи Наьсарен кхалеи йолча дарбанчешкара дIа мел ийккхараш», - йоах тхогарча хоамо. Иштта министерстве белгалдир, малагIа тайпа хаттараш цу чатага гIолла дашхац: аптекашкарча молхаех дараш, сиха оарцIагIа ухача лорий тоабанца дувзаденнараш, иштта кхыдараш а.
КIиранденгара дIа мел ийккхача хана, хIара денна Iуйран 8 сахьат даьлча денз, сайран бархI даллалца болх беш хургья чат. https://t.me/+jInjUufApi5mZDRi – «Наьсаре.УнахцIено» (Наьсаренна, Наьсарен кхаленна чуйолхаш мел йола лорий моттигаш);
https://t.me/+faZ7prToQisIMDky «ГIалгIайче. УнахцIено» ( Наьсаренна, Наьсарен кхаленна чуйолхачаргара дIахо мел йола лорий моттигаш).
