Цхьаькха берий беш хургья вайцига
04.09.2023 16:20
Долакоа хьайийллар цхьаькха керда берий беш. «Демографи» яхача къаман проектага гӀолла болх дӀахьош, хьалъяьй «Хьастилг» яха берий беш. 220 бера моттигаш лургья цу кердача бешо.
«Керда берий беш хьаеллача баьхкабар вай мехкада Келаматанаькъан Махьмуд-Ӏаьла, сенатор вола БӀарахой Мухарбик, Халкъа Гуллама кулгал деш вола ТӀумхой Мухьмад, республикерча паччахьалкхен кулгалхочун гӀонча йола Боканаькъан Аьсет. Геттара хоза кийчъяь йола берий беш, бӀарг тӀаотташ, гӀадвугаш яр. Берашта мел эша кхоачам чуболча цу моттигах доккха новкъостал хургда Долакоарча бахархошта», — дийцар тхога цигарча болхлоша.
Укх тӀехьарча диъ шера «Демографи» яхача къаман проекте гӀолла 18 берий беш хьайийллай вай мехка.
