Чухьежача Ӏаьдала болхлоша кхыча къамех вола 43 саг Ӏочувигар полице
Россе доазон тӀа бокъо йоацача тайпара Ӏеш бола кхыча мехкашкара бахархой гучабоахаш МВД болхлоша дӀабихьача балхах, 43 саг Ӏочувигар полице.
Из хоам «Сердалога» бир цу моттига зарбан болх лелабераша. АргӀанара болх дӀахьош, 39 моттиге цхьацца кхоачамбоацарашта тӀагӀолла 31 протокол оттадир МВД къахьегамхоша; царех кхо моттиг РФ миграционни бокъо толхаеш хиннилга гучадаьлар.
Белгалдечох, вай мехка Ӏеш вола 19 саг Россе доазон тӀа ха яккха бокъо луш дола каьхаташ лертӀа доацаш бар; цул совгӀа, ялх саг Россе доазон тӀа цхьаккха бокъо йоацаш вахаш вар. Кхо саг бехктокхаме эзар болх бе бокъо луш дола каьхат е патент цахиларах (РФ КоАП 1-ча даькъа 18.10 статья). Кхы а кхо саг бехктокхаме озаргва хила доагӀаш дола каьхаташ цахиларах (РФ КоАП 1-ча даькъа 18.15 статья). Кхыча мехкара хьачувенача пхе сага белгалдир, РФ Президента 30.12.2024 № 1126 чӀоагӀон тӀатайжа, эшаш мел дола каьхат вӀаштӀехьадаьккха; цхьан юкъа РФ доазон тӀа Ӏе безам болаш ба шоаш, аьнна.
