АргӀанара болх дӀахьош, ГИБДД болхлоша гучаяьккхар 61 бокъонаш телхаяь моттиг
ГӀалгӀай Республике гӀолла йолча МВД ГИБДД къаьстта болча бӀун чуйоагӀача лаьрххӀача тоабо, укх деношка аргӀанара болх дӀабихьар, яхаш, дувц «Сердало» газетага мехка паччахьалкхен автоинспекце.
«Из болх дӀабахьара бахьан дар, наькъаш тӀа нийслуш дола зуламаш кӀезигагӀа хилийтар, водителий, гӀашлой кхерамзленна Ӏалашо яр, новкъа лелара бокъонаш кӀезигагӀа телхаяйтар», - аьлар бокъонаш лораяра викалаша.
Цу тайпара гучадаьлар, 61 моттиге административни бокъонаш телхаяь хилар. Цу юкъе дар машин лелае бокъо луш дола каьхаташ доацаш хилар, ца доагӀача беса машина кизгаш баьддерзадаь хилар, машина страховка цахилар, машина номераш цахилар, иштта кхыдола кхоачамбоацараш.
ГӀалгӀай Республике гӀолла йолча МВД паччахьалкхен инспекце болхлоша, шоаш из болх дӀахьоча юкъе, наха хьалдаьккхар, массахана бокъоно дӀадеххача беса ваха везилга, ПДД дӀадехар кхоачашде дезилга, из лорадеш хилча мара мехка наькъашкара зуламаш юхатоха хала хургдолга.
