ГӀалгӀай мехкарча 66% берашта маьхий техад
ГӀалгӀай мехка йистедаьлар дегӀа могашал чӀоагӀъяра ца хилча даргдоаца маьхий тохара хьалхара дакъа. 66% берашта маьхий техар. Из декхар кхоачашдара хьайийллар 132 маьхий тоха моттиг, цига болх беш хилар 500 совгӀа лорий болхло, яхаш, дийцар мехка Кулгалхочун зарбан болх лелабераша.
Из гӀулакх республикан бахархошка массанега дӀакхоачаш хургдолаш вӀашагӀделладар, 85 дӀа-юха лелача маьхий тохача тоабо. ХӀанз из болх шоллагӀча даькъе дӀахьоргба, из дӀаболалургба маьтсела 12-ча дийнахьа.
«Дукхача шерашка Интернете гӀолла дӀахьош яр шоашта цаховр дувцаш, уж маьхий наха тохаргдоацаш йола компани, из бахьан долаш дукха нах юхабаьлар», - аьлар республикан кулгалхочо Келаматанаькъан Махьмуд-Ӏаьлас. Цудухьа берашта дукха лазараш хилар, уж дар боча лазар, кӀажъуха йӀовхараш.
Цу юкъе геттара унзара да полиомиелит. Из бахьан долаш, республикан Ӏаьдало болх дӀабихьар да-нана дӀакхетадеш, маьхий ца техача дергдоацилга дӀахайташ.
Белгалду, ГӀалгӀай мехка маьхий тохаш да лаьрххӀача комиссе дакъа а лоацаш, уж хьож массадолча доал дара даькъ тӀарча урхалленашка иммунологе болх мишта дӀахьу.
