ГӀалгӀайчен кхо юрт хотташ бола никъ тоабеш латт
ГӀалгӀайче дӀахохьош ба, Йоккхача-Ачалкхенгара дӀаболабенна Илдарха-ГӀалийга кхаччалца, бӀаьха никъ тоабеш бола болх, яхаш, дийцар «Сердало» газетага ГӀалгӀай республикан министрий кабинете.
«Кхо юрт: Йоккха-Ачалкхе, ГӀайрбика-Юрт, Илдарха-ГӀала - вӀаший хотташ бола болх дӀаболабаьб ши кӀира хьалха. Пхи километр болча наькъ тӀа кӀийле кийчъ- еш, из чӀоагӀъеш, шолха асфальт тӀабуллаш бола болх ба дӀахьош», - йоах хоамо.
Тахан наькъашка болх бераша дийцар, цу даькъ тӀара ши километр бола никъ тоабаь баларах. ДӀахо наькъа йистош тоаеш, кхыдола лоадам боаца балхаш деш ба уж. Дикал лакха йолаш из никъ хилийтара шоаш бехктокхаме хилар белгалду наькъашка хьожараша.
Из декхар тӀаэцача хана, йилла ха чакхйоалаш я цхьаькха шу даьлча, иштта дале а, автодора министерствон кулгалхоша яхачох, цхьа-ши бутт кхы баьлча, мехка бахархой таро хургья керда биллача наькъ тӀагӀолла дӀа-юха аха.
