Барайтта шерга кхачале зуламаш дерашца, цӏенах чуувтташ болх бу мехка
Терроризм, экстремизм яхача доккхача, бӏехача зуламашта барайтта шерга кхачанза бараш лорабара тӏехьа болх дӏабахьа арабаьлар Магӏалбика кхале. Ше цхьаь бераш кхоабаш ягӏа кхалсаг йолча баха хилар цу оагӏонца къахьегараш.
«Сердалога» бенача хоамах, терроризма духьала болх лоаттабеча комиссена хьалха латта Джамболатанаькъан Мухьмад, берашта тӏахьожам лоаттабеча оагӏон кулгал ду Малорой Зарема, барайтта шерга кхачанзачар гӏулакхех, цар бокъонех йолча комиссен секретарь йола Боканаькъан Хьава, полице участкови Заринаькъан Мухьмад, иштта юртарча администрацен кулгалхо вар арабаьннарашта юкъе.
Барайтта шерга кхачанза бараш терроризм, экстремизм яхача бӏехача гӏулакхех лорабара тӏехьа дӏахьош лоархӏаме болх ба ала деза цох. Дезалца лаьрххӏа къамаьл дир арабаьннараша.
Къаьстта терко йир цар берий дешара, вахара хьала, иштта уж малагӏча гӏулакхашта юкъе ба. Комиссе доакъашхоша хьалхадаьккхар, хӏетта кхийнараш, кхувш латтараш воча гӏулакхех лорабара тӏехьа массахана фийла хила везилга, уж мичахьа лел, хӏанца гӏулакх доагӏаш ба хар лоархӏаме декхар долга.
Белгалде деза, иштта бола болх Магӏалбика кхале каст-каста дӏакхухьаш болга. Дунен хӏама довза кхенза болча, хӏетта кхийнарашта къаьстта чӏоагӏа тӏахьожам эш. Шоай дезалхо малагӏа гӏулакхаш кхоачашдеш ва, мичахьа, хӏанца бувзам болаш ва тохкаш хила беза цӏагӏара нах.
