Дикача фух дола доахан дохкаргда, аьнна, оапаш бийца зуламхо лохаш ва
Дикача фух дола доахан дохкаргда ше, аьнна, тийшаболх кхостабаь зуламхо лохаш ва тахан мехкарча полице. Из хоам «Сердалога» бир МВД.
«Наьсарерча Россе ОМВД болхлой болча латкъа венача сага белгалдечох, Пётр Александрович ва ше, яхаш, интернете нийсвеннача сага Швейцаре, Шотланде мехкашкарча фух дола доахан дохкаргда, аьнна, ӏехаваьв из», - йоах тхога бенача хоамо.
200 эзар сом ахча да мехкахочо малав ца ховча зуламхочоа дӏадахьийтар, хӏаьта вож, ахча каракхоаччашехь, вайна дӏаваьннав.
Полице болхлой из саг лохаш ба тахан. РФ УК 2-ча даькъа 159-ча ст. бехктокхаме озаргва из.
МВД болхлоша кхайкарал ду бахархошка! Боккъал а оашош леладеча хӏаман уйла еш хила, малашб ца ховча интернете байзача нахаца базар ма лелае! Цхьаккха а ца вовзача сага ахча дӏатӏа ма дахьийта!
