ГӀалгӀай мехкарча волонтёраша новкъостал ду бахархошта, тоаде деза доазонаш хоржаш
ГӀалгӀайчен МагӀалбика кхален волонтёраша новкъостал ду, тоаде деза доазонаш хьахоржаш. Бекарга бетта 21-ча дийнахьа денз, кхадж тассара хьал бахархошта хьалхадоаккхаш ба уж, царна дувц тоаде деза юкъара доазонаш хьахаржара болх мишта дӀабахьа беза, яхаш, хоам бу «Сердало» газетага шахьара администраце.
«Кхадж тоссаш бола болх дӀахьу, «Вахара хьалаш» яхача къаман проекта чубоагӀаш. Цига дакъа лаца йиш йолаш ба республикера 14 шерал дукхагӀа ха яьнна беррига бахархой», - аьлар хоамо.
Харжа оттабаьб ши урам: Дебий-Юртара (Лохерча Ачалкхера) Кооперативни, из 1200 метр бӀаьха ба; Вежарий-Юртара Братски яхар, 1100 метр да цун дӀоахал.
Царех наха дукхагӀа кхадж тесса урам тоабергба, керда асфальт билла; сердал а Ӏалашъергья, зӀамагӀа дола архитектуран гӀирсаш оттадергда.
