ГӀалгӀай мехка 300 сага бокъонаш меттаоттайир
04.12.2024 11:46
ГӀалгӀай мехка карарча шера сага бокъонаш лораеча викала балха новкъосташа 300 совгӀа сага бокъонаш меттаоттайир. Из дош керттера хилар, вице-премьера Саганаькъан Индирай, сага бокъонех викал волча ЦӀечой ИбрахӀимца кхетаче дӀахьош.
ХьалхагӀа санна керттера хаттар дувзаденна да фусамашца, иштта коммунальни хьалашца. Саганаькъан Индирас белгалдир, республикан Паччахьалкхенца сага бокъонех волча викала айхха бувзам лелабеш хиларо, цу тайпара лоархӀаме хаттарш дикагӀа кхоачашде таро луш хилар.
«ЛоархӀаме да, хӀара сага хаттара теркам беш хилар», - аьлар вице-премьера.
Кхетаче йистейоалаш, бокъонаш лораеча викала Саганаькъан Индирайга дӀаделар, РФ сага бокъонех йолча Москалькова Татьянайгара баркал оалаш дена каьхат.
