ДПС шин инспектора духьала гӏулакх хьадийллар
17.02.2026 09:29
Шоай балха тӏа гӏалатбаьннача полице болхлошта духьала гӏулакх хьадийллар вай мехка. Из хоам «Сердалога» бир тохкама оагӏон викалаша.
«Шоай балха тӏа боарамал тӏехбоалаш гӏалатбаьннача полице шин болхлочоа духьала гӏулакх хьадийллар Наьсарерча Российски Федераце тохкама комитета вай республикерча оагӏон болхлоша», - йоах тхога бенача хоамо.
Тохкамхоша белгалдечох, дӏадахача шера тов бетта, машин лалла бокъо луш дола каьхаташ доацаш, новкъа ваьнна лелача 18 шу даьннача вахархочунна духьала, ӏаьдала бокъонга хьежжа шоай декхараш кхоачашдеш, болх дӏабихьабац цар шоай цхьацца бахьанашта тӏагӏолла. Гӏулакх хьадийллад мехкарча ОРЧ СБ МВД кхаьчача каьхатех.
