ГӀалгӀай къаман
юкъара газет

Кердадараш

Дала хоза беркат чуэцийтар вайга укх шера

214, 316 эзар тонн беркат чуийцад юртбоахаме къахьегараша, укх шера. 110,4% кхоачаш соахка хинначул лакхагӀа айденнад из хьал укх шера. Из хоам «Сердало» газетага бир республикан кабмине. 2023-ча шера Ӏан шоллагӀча бетта, гуйран хьалхарча бетта юкъера ха хьаийцача, 14 473,5 млн сомага кхоачаш беркат хиннад вай республикан юртбоахама къахьегамах.

Белгалде деза, из оагӀув вай мехка массе моттигашкара дика тоалуш йоагӀилга. Таханарча дийнахьа бахархошта коартал я республике 121%, сомаш- 115,8%, шура- 83,6%, хаьсасомаш - 14,3%, фуаш-21%, дулх-40%.

Юртбоахаме къахьегарий толам иштта хиларах, эггара дукхагӀа эшаш болча кхачан маьхаш лакха боацача боараме лоаттаде аьттув ба вай. Хьалхарча шерашка хинначул дикагӀа даьржад вай мехка доахан, жа- 103,5%. Иштта дикка айденнад коатӀарча оалхазарий беркат. Массе тайпара дола коа тӀара оалхазараш- 514 эзар. Соахка хинначул 107,0% дукха да уж.

Дика толам баьккхаб вай кхыча оагӀонашка а. Дулх - 14, 166,4 тонн, (2022-гӀа шу хьаийцача - 189,5% дукхагӀа), шура-119,974,4 тонн( 103,2% дукхагӀа), фуаш- 24 510 эзар ( дӀадахача шера хинначул 103,6% дукхагӀа). Хьинаре, бехктокхаме къахьийгача наха баьккха толам ба из, Дала вайх баь къахетам ба, иштта хоза беркат вай мехка даржар.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде