ГӀалгӀайче тӀаийцар TWW JJ тайпарча джиу-джитсух вола дунен чемпион
14.03.2024 16:36
«Магас» аэропорте гӀадбаха тӀаийцар TWW JJ тайпара джиу-джитсух дунен чемпион хинна цӀавоагӀа къона спортсмен, яхаш, дийцар «Сердало» газетага ГӀалгӀай Республикан физически культурах, спортах йолча Министерствон викалаша.
«СапарӀаланаькъан Мурадá из лакха цӀи елар, «шаькъа беса тӀехкар» яхача даькъе, из латаш хилар 18 шерга кхаьчача маӀача наха юкъе, уж бар 70 кг кхаччалца дозал дараш.
Кхоане йола спортсмен тӀаэцаш, цунна духьалвахар ГӀалгӀайчен спорта министра гӀонча Султиганаькъан ТӀахӀир, цул совгӀа Мурадá духьалбаьхкабар гаргара нах а», - аьлар мехка паччахьалкхен болхлоша.
