«33 млн сом мах бола гӀишло хьалъяьй «Культура» яхача къаман проекта чуйоагӀаш. ГIишлон балхаш деш хиннай цига «Фаэтон» яха фирма. Юртара культуран фусам таханарча ден эшаш болча гIирсаца Ӏалашъяь я. Укхаза йоккха библиотека, нах тӀаэцара йола зал я, 220 моттиг йолаш»,- аьлар «Сердало» газетага Кулгалхочун, паччахьалкхен зарбан болх лелабераша. Шоай юрта культуран цӀа хилар бахьан долаш, ГӀайрбика-Юрта бахача наьха таро хургья ГӀалгӀайчен культуран вахар ше ма дарра довза, хӀаьта къонача юртхошта а накъадаргда из, тайп-тайпарча кружокашка а ухаш, шоашта ховр дегIакхувла.