ГӀалгӀай къаман
юкъара газет

Кердадараш

Наркотикаш йоаржаеш хиннарашта, суд хьакхайкайир вай мехка

Кхыча мехкара вайцига хьачубаьхка, 5,8 кийла дола наркотик яха дохьаж республике доаржаде лаьрхӀа хиннача кхаь сага кхел хьакхайкайир Магасерча судо. Из хоам «Сердало» газетага бир республикерча прокуратуран болхлоша.

«Судо гучадаьккхар, 2022-ча шера Ӏан хана, цу зуламхоша Москвера наркотикаш Ӏалашъяь хилар. Царех цхьа зуламхо шийца 163 грамм йола наркотик яхьаш, республике вá араваьннав. Къайленашка из дохьаж Ӏо а дехкаш, тӀаккха из дохкаш барашка хоам бе безаш хиннав из.

Цу бӀехача балхаца ахча даккха лаьрхӀа хиннав зуламхо, бакъда шоай болх лакхача боараме дӀабихьача, наркотикашта духьала къовсам лоаттабаьча болхлоша республике хьачуоттачара дӀалаьцав», - белгалдир Ӏаьдала болхлоша. Йоккха юкъ ялалехь, Москвера дӀалаьцар цхьаькха ши тоаба. Царех цхьан зуламхочун цӀагӀара гучаяьккхар 767 грамм героин, 4,3 кийла гашиш.

Уж йохка кхийнадац зуламхочун. Наркотикаш йоаржаеш лийннача цхьаннена 8 шу набахта валла ха техар, шоллагӀчо 13 шу ха йоаккхаргья, маьршача вахарах хьагаш.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде