Хий тоадеш баьхкар болхлой
29.01.2024 12:41
Илдарха-ГӀалий тӀа хин турбаш лийлха моттиг тоаеш баьхкар, цу гӀулакхах кхеташ бола къахьегамхой. Из хоам «Сердало» газетага бир хица нах Ӏалашбарах бехктокхаме бараша.
«Хин кӀеж низ болаш хиларах хьахинна хатар да из, керттерча насосий станце. Цхьайолча моттигашкара бахархой цхьан юкъа хий доацаш баьгӀар», - йоах тхогарча хоамо. Сиха оарцагӀбаьннача болхлоша, тӀатеӀӀа болх беш, меттадоаладир цигара хьал.
Йоккха юкъ ялалехь, ерригача моттигашка дӀа-хьа кхоачаргда хий.
