ГӏалгӀай мехка шахьара хьалаш дикагӀа хулаш доагӀа
Россе гӀишлошъяра Министерствос гойтар 2024 шера шахьара хьалаш дикагӀа хилийтара йола оагӀув. ГӏалгӀайчен из хьал дикагӀчарех хиларга сатувсилга да - мехко хьагойтар таронаш тӀакхетара боарам 186 балл хилар, лаьрхӀа хиннача 172 (32%) дегӀадарга хьежача.
Шахьарашта юкъе хьалхара моттиг йоаккхаш я Магас, цо дикал лакхйир 21-зза, 232 балл а йоаккхаш. Цул дукха тӀехьаюсаш яц МагӀалбик, цун дикала гойтам лакхбеннаб 181 баллагара 193 баллага кхаччалца. Уж шаккхе а шахьар белгалъю дика хьалаш дараш санна.
«Из дика хьокхам ба, из вӀаштӀехьдаьлар барт болаш массе оагӀорахьара болх цхьана дӀахьош хиларах, министерствогара доал дара даькъ тӀа кхаччалца», - аьлар Келаматанаькъан Махьмуд-Ӏаьлас.
Цо иштта белгалдир, тахан Ӏаьдал шахьараш, юрташ эргаяха гӀерташ хилар. Цу тайпара, хьакхоллаш латт дукха дӀа-юха лелалуш боацача наха дола хьалаш, дукхагӀа хулаш йоагӀа баьццара доазонаш дара йола моттигаш, дегӀадоагӀаш латт культуран-салоӀама хьалаш.
