ГӀалгӀай къаман
юкъара газет

Кердадараш

Тори яхача лоаман моттиге, тоае езача 30 гӀалан зем баьккхар

ЖӀайрахьа-Эса-ЧӀожерча паччахьалкхен музеерча Тори яхача моттиге тоае езача 30 гӀалан зем боаккхаш хилар вай мехка. Из хоам «Сердало» газетага бир мехкарча кабмине.

Лоамашка мел йола гӀалаш тохкаш бола боккха болх дӀахьор «АСМ Групп» я, ЖӀайрахьа-Эса-ЧӀожерча паччахьалкхен музейца. Тоае езаш я аьнна цига къоастаяьраш я 12 нах бахаш хинна гӀала, 6 маьлхара кашамаш, 6 стела, 5 цхьацца коарча гӀулакхашта лаьрхӀа хьалъяь хӀамаш. Проекте къахьегар - «Сафмар» яха гӀо деш йола ганз», - йоах тхогарча хоамо. Лоаман юрташкара гӀалаш меттаоттаеш, вай къаман исторе уж дуккхача шерашка яхаргйолаш, боккха болх ба тахан дӀахьош латтар.

Цу беркатеча гӀулакха юкъе дакъа лоацаш ба республикан кулгалхо, хьакимаш, бизнесменаш, уж балхаш довзаш бола говзанчаш, гӀишлонхой, Ӏилманхой, Даьла духьа гӀо деш бараш, цигара бахархой.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде