Гӏалгӏай мехка дика боаца кхача лоаттабеш хилар гучадаьккхар
Гӏалгӏай Республикан прокуратуро гучадаьккхар деша даха ха йоацача берий юкъарча дешара моттигашка дика боаца кхача лоаттабеш хилар, яхаш, дийцар «Сердало» газетага мехка тӏахьожама боахаме.
«Белгалдир, «Магас» ООО, Магӏалбика, Наьсарен, Шолжа кхален юкъарча дешара моттигашкарча 66 кулгалхочунца, кхачан продукташ лоаттаергья аьнна, яь чӏоагӏо хилар. Прокуратура, тӏахьожама болх дӏахьош, хьежар 82,5% дола даьтта миштад. Из гӏулакх техкачул тӏехьагӏа гучадаьлар, даьттан дикал хила езача тайпара йоацилга. Цул совгӏа, микробиологически хьокхам сов лакха бар «логӏара, вара», из нийсъялара бахьан да кхачан даараш леладара боарам нийса цахилар. Даьтта юкъарлоно маьхалдаьккхар дешара моттигашка 1476 сомах, деррига а 2,4 млн сома, хӏаьта из хьаийдаьд 387 сом цхьан кийлах долаш», - аьлар хоамо тӏахьожама болх дӏабихьачул тӏехьагӏа.
Цох доагӏаш дола лоткъамаш тӏахьожама боахамо дӏадахьийтад тохкамхошка, цу гӏулакха бехкевар уголовни бехктокхаме озара. Укхаза белгалду, сага вахара унзара дола кхачан даараш леладеш хилар.
Цунца цхьана прокуратуро республикан дешара, ӏилман Министерстве дӏадахьийтад гучадаьнна кхоачамбоацараш дӏадахар хьалхадоаккхаш дола каьхат.
