ГӀалгӀайче йиъ моттиг хиннай, чарахьал деча бокъонаш толхаяь
ДӀадахача диъ дийнахьа ГӀалгӀайчен Ӏалама министерствон чарахьал дара балха тӀахьожам лоаттабара йолча тоабо йиъ моттиг гучаяьккхар, цу даькъ тӀа бокъонаш толхаяь. Цох дийцар «Сердало» газетага ГӀалгӀай Республикан Ӏалама министерствос.
Керттера кхоачамбоацар дар, цу гӀулакха тӀахьожам лоаттабеча нахагара хила деза каьхат а доацаш, хьайбашта тӀехьа чарахьал даь хилар. Ха яьнначул тӀехьагӀа, из каьхат юха кердадаккха дезаш да. Из иштта хилча мара, бокъо яц чарахьал де.
«РФ КоАП, 7, 11 статьяшка хьежжа, цу наха 500 сомагара 1000 сомага кхаччалца гӀод тоха деза, гӀулакхера барашта 1000 сомагара 2000 сомага кхаччалца, юридически сага – 10 000 эзар сомагара, 20 эзар сомага кхаччалца. РФ Ӏалам лорадара йолча бокъонаша дӀадехар нийса леладой хьожаш,
ГӀалгӀайче цу деша даим тӀахьожам лоаттабу. ГӀалгӀайчен чарахьал леладеча даькъ тӀа бокъонаш лораяра бола болх дӀахо а дӀахьош ба», - аьлар Ӏалам лорадеча боахаме.
