Театра къонача болхлоша дакъа лаьцар, оаз дIаязъярах йолча говзанч-класса юкъе
21.09.2023 10:37
«Дош» яха дешара ловзараш хьакхеллача Дугенаькъан Адама, иштта актёрски говзала хьехархочо Кхорахой Сабинас мультфильмашка оаз даязъярах йола говзанч-класс елар, ГӀалгӀай Республикан къаман берий театре, яхаш, дийцар «Сердало» газетага ГӀалгӀай Республикан кагирхой гӀулакха йолча комитете.
«Кхетаче дӀахьош, Кхорахой Сабинас йийцар советски фильмай, сценарей, киной ларда тӀа, оазаш дIаязъяра бокъонаш.
Иштта берашта хьийхар, цӀихезача поэтий кхолламий масалаш, дикача дубляжий къайле.
Говзанч-класс дӀайихьар «Интензибэн» ООО студе новкъосталца.
Бераша хьагойтар шоаш дика кийчо яь хилар. Иштта цу тайпара темаш шоашта езаш хилар», — аьлар кагирхой болх дIахьораша.
«Дош» яха мобильни ловзара проект кхоачашъяро, шеко а йоацаш, вай республике гӀалгӀай мотт дегӀабоалабе таро хулийтаргья», — аьлар «Интензибэн» компане викало Къоастой Хьадиса.
