ТӀехьарча 4 шера 10 совгӀа дарбанче хьалъяьй, тоаяьй вай мехка
18.03.2025 15:49
2021-ча шера денз, «УнахцӀено» яхача проектага гӀолла итт совгӀа дарбанче хьалъе, тоае аьттув баьннаб мехка.
«Къаман проекта аьттув баьннаб харцар кхерам бола гӀишлош кӀезигье, тоае езараш боккха болх дӀахьош тоае, дӀаяха езараш, дӀаяха»,- белгалдир вай Мехкадас Келаматанаькъан Махьмуд-Ӏаьлас.
Иштта боккхийчарна, берашта хьалхара гӀо деш йола моттигаш хьайийллай мехка. Цу юкъейолх таханарча хано дӀадеххача тайпара тоаяь кхален керттера дарбанчеш.
Дукхача хана денз, Ӏаткъаш дар дарбанчера гӀирсаш лерттӀа болх хьабеш цахилар, машинаш, болхлой цатаар. Мехкадас белгалдир, уж деррига кхоачамбоацараш юстарадаьха мара унахцӀенон хьал боаггӀача боараме тоадала йиш йоацилга.
