ГӀалгӀай мехка, Россе президент хоржаш, шин дийнахьа 146300 сага кхадж тессабар
ГIалгIайчен хоржамий комисси Россе президента хоржамашка шин дийнахьа кхадж тессараш мел нах ба хьежар. Моттигерча избиркомо «Сердало» газетага хьабайтача хоамах, шоллагӀа ди а кхоачамбоацараш юкъе ца нийслуш дӀадихьар. Бокъонаш телхаярх лаьца, ГӀалгӀайчен изберкоме хоамаш кхаьчадац.
Республикан бахархоша юха шоай барт хилар хьагойтар. ГӀалгӀай мехка кхадж тоссаш дӀадихьача шин дийнахьа 59,56% харжархой баьхка хилар, уж вар 146 300 саг.
ГӀалгӀайчен шахьарашка, юрташка гӀолла бола хоам иштта ба: ЖӀайрахьа кхале - 1527 саг (61,55%), Илдарха-ГӀала-10140 (61,61%), Магас- Шахьар-5198 (80,92%), МагӀалбик-Шахьар - 15495 (56,98%), МагӀалбика доал деча даькъ тӀа - 21185 (61,67%), Наьсарен-Шахьар-28469 (57,24%), Наьсарен доал деча даькъ тӀа-32284 (51,77%), Шолжерча доал деча даькъ тӀа-16286 (65,29%), иштта Шолжа-Шахьар-15716 (72,50%).
КхоалагIа ди а, хьинар лаьгI ца деш, дIадихьар вай мехка, Российски Федераце президент харжара тIехьа кхадж тоссаш.
