Паччахьалкхен Думан депутат волча баьхка хилар СВО доакъашхой дезал
03.10.2023 10:04
«ЦаI йола Росси» яхача парте ГIалгIайчен даькъа нах тӀаийбеча моттиге ваха хилар Паччахьалкхен Думан депутат БӀарахой Бек-хан. Цунца кхетаче е таро хилар, Донбасс лораеш, Россе дӀахьош йолча лаьрххӀача операце дакъа лоацаш болча бӀухой дезалий. Цунах дийцар «Сердало» газетага ГӀалгӀайчен единороссаша.
«СВО дакъа лоацаш болча бӀухой биъ дезал баьхкабар, тIема доакъашхошта Ӏаьдало де лаьрхӀа дола тайп-тайпара новкъостал дехаш. Цу юкъе бар Йовлой дезал. БархӀ шу даьнна кIаьнк дега порок оала лазар долаш ва, ийс операци яьй цунна. Цар дийхар шоашта инвенторни стабилизатор эцар, цо дега оттаяьча кардиостимулятора, юха ца социйташ, болх бе таро хулийт. Из хьалххе а ийца хиларах, укх наькъа цу дезала дӀаелар», - аьлар ер хоам баьчо.
Паччахьалкхен Дума депутата тӀа мел вена саг новкъостал доацаш висанзар, хӀаьта дӀахо тахка дезаш дола хаттараш теркаме ийцар.
