Дукха мах болча дахчах етта йода машен дӀалаьцар вай мехка
12.11.2023 23:06
Дукха мах болаш йолча дахчах етта йода машен соцайир Шолжа кхалерча МВД болхлоша. Из хоам «Сердало» газетага бир цу даькъ тӀарча болхлоша.
«Чми - ГӀажарий Юрт - ТӀаргам» оалача Мужеча уллача наькъ тӀа поп яхача дахчан бӀоагӀех етта йодаш латта камаз яха машен соцайир «Галашке» оалача МВД наькъ тӀара хьал лорадеш йолча моттиге. Цу тайпара дахча арадаккха бокъо луш долча каьхаташка хьежача, цхьацца кхоачамбоацараш зийна, QR-кодах шеко йир ГИБДД», - хоам бу Ӏаьдала болхлоша.
«Прогресс» оалача OOO Шолжа шахьарерча гӀод теха машенаш Ӏочукхувлача моттиге дӀаоттайир поп яхача дахчан хенех етта йола камаз. Из гӀулакх тохкаш да Ӏаьдало.
